Peesi takantáá ákii,
Peesi takantáá.
Máára bóórda péértu andáá
Ovii poy juntáá
Kambráám tapeyáá jeentis
Kangrera tapeyáá.
Peesi lotomáá
Nóóspa boom viida loacháá
Kii nóómi nósa tééra?
Áka Bátikalo tééra.
Kii buniitu?
Boom buniitu
Nósa Bátikalo tééra!
Káfriinha bááyla tudu
Oondi yakunsáá,
Léénsas taam nóós lobayláá.
Rábáána lodááy pééli parumpa
Violin guitar lodááy váárva pakevráá.
"Tééra nósa viida" © Magin Balthazaar. All rights reserved.
