Skip to content
Join us on October 26 at 7PM EDT for the 2021 WWB Virtual Gala. Learn more and get your tickets today!

Ñor Marcos (Un Soliloquia)

Mr. Marcos, a junk dealer, was found dead at dawn still seated on a bench overlooking the sea at the Zamboanga wharf.
—Noticia del periodico
 

Madrogada hasta oscuriciada
Ta busca que busca yo basio
Para bende na Chino
Lata y botella,
Palanggana bingaw.

Mi carreto bajo daw pahagat,
Daw mesa ta rodia na calle,
Ta empesa blanka
Y ta llena na pin del dia
Con basio.
Y si nohay encontra nada,
El mesa ni plato ay puede planta.

El dia un basio
Lleno de tiempo blanka.
Cosa pa cara yo dale mira kanila,
Aquellos que lleno el maga plato,
Aquellos que lleno el tiempo,
Aquellos que lleno el vida?

El mas grande vacancia
Amo el cielo
Donde sabulak maga estrellas,
Y na didia tintao de asul espacio.

El esperanza
Amo el ta dale paciencia.
Hermana ba esos dos
O dos cara del no hay ganancia?

Aqui na orilla del mar
Ta tenta el luna, te sonri,
“Entra na mi sala, Viejo.”
Conversa na mi maga anak, Puta,
Hace caching na de ila cara
El de bos maga estrella!

Aqui espera con el cielo
Abri sup echo.
Aqui kame man encuentro,
Basio con basio.
 

"Ñor Marcos (Un Soliloquia)" © Francis C. Macansantos. By arrangement with the estate of Francis C. Macansantos. All rights reserved.

Like what you read? Help WWB bring you the best new writing from around the world.