Skip to content
Words Without Borders is one of the inaugural Whiting Literary Magazine Prize winners!
from the January 2013 issue

Anba Dekonm

Nou kenbe souf nou toupre kò n
lote pawòl nan kòse jistokò
lavi n anndan parantèz
terebantin pou fè lespwa dire
laperèz monte tant  
sou kòf lestomak nou
bouya anvayi sèvo n
paralize tout manm nou
 
Lajounen kenbe men lannuit
leswa fè wonn ak lematen
jou yo fè laviwonn jouk yo sou 
nou bliye dèt bliye pwonmès
pwojè defofile tankou sous dlo 
tè ap souse nan chalimo
 
Revèy ap pèdi chenn
anba dekonm lavi
vwa nou grave sou SMS
foumi pote nouvèl ban nou
brave danje manche pèl ak pikwa
grate ranblè ak zong 
blòk pa blòk san depasyante
lespwa rapousuiv mirak bosi
nan fon tinèl
 
 
Read more from the January 2013 issue
Like what you read? Help WWB bring you the best new writing from around the world.